BBC ka zbuluar detaje të reja për një nga njerëzit e akuzuar për vrasjen e Jamal Khashoggi, gazetar i shquar, i cili ishte kritik për qeverisjen në vendin e tij.

Mediat turke e identifikuan Maher Abdulaziz Mutreb si pjesë të një ekipi prej 15 anëtarësh të agjentëve të dyshuar sauditë të cilët fluturuan brenda dhe jashtë Stambollit në ditën e zhdukjes së z. Khashoggi nga konsullata saudite e qytetit më 2 tetor, transmeton portali arbresh.info

Besohet se ai ka kaluar dy vjet duke punuar në Londër, me një burim që e përshkruan atë si kolonel në inteligjencën saudite në rrjetin e lajmeve amerikane CNN.

BBC në gjuhen arabe ka arritur të zbulojë se gjatë kohës në Londër, ai ishte trajnuar në përdorimin e teknologjisë për spiunazh në emër të shtetit saudit.

Burimi që ka folur për BBC në kushte anonimiteti ka konfirmuar vizualisht identitetin e tij nga fotografitë që po qarkullojnë nëpër media.

Sipas tij, z. Mutreb u prezantua si “një operacion i sigurisë së inteligjencës”. Trajnuesit e programit të spiunazhit, e quajtën atë “fytyrë të errët”.

“Për shkak se ai gjithmonë dukej keq, sikur ishte nën gjendje të trishtuar dhe gjithnjë ishte i heshtur”, shtoi burimi.

Arabia Saudite mohon të ketë njohuri mbi ngjarjen që ndodhi me gazetarin saudit, duke këmbëngulur se ai u largua nga konsullata shpejt pas marrjes së dokumentave./arbresh.info/